Hvað viltu láta gera? Reisa minnisvarða við höfnina eða á áberandi stað í miðbænum til minningar um fórnarlömb helfararinnar sem flúðu ofsóknir nasista og komu til Íslands en voru send til baka. Hvers vegna viltu láta gera það? Í öllum helstu borgum Evrópu eru minnisvarðar um fórnarlömb helfararinnar sem voru send frá viðkomandi borgum í útrýmingarbúðir nasista. Á Íslandi var hverfandi fjöldi gyðinga á þessum tíma en margir sem flúðu ofsóknir nasista komu hingað og reyndu að setjast að en var vísað aftur til Evrópu eftir lengri eða skemmri tíma. Enn fleiri sendu umsóknir um dvalarleyfi til Íslands en var hafnað. Ég tel rétt að reisa þessu fólki minnisvarða til að vekja almenning til umhugsunar um þennan sorglega tíma í sögu landsins
Fagteymi sérfræðinga á umhverfis- og skipulagssviði hefur metið þessa hugmynd. Hugmyndin var metin tæk til kosningar í verkefninu Hverfið mitt 2019. Einungis er hægt að stilla 25 tækum hugmyndum upp til kosninga á hverju ári. Haldin voru opin hús í hverfum borgarinnar í samstarfi við þjónustumiðstöðvar borgarinnar þar sem íbúar fengu að stilla upp kjörseðli með því að veita allt að 25 hugmyndum atkvæði sitt. Þessi hugmynd rataði því miður ekki í uppstillingu þetta árið. Hugmyndir er falla innan verkefna og valdheimilda Reykjavíkurborgar verður komið áfram sem ábendingu til viðeigandi deilda innan stjórnsýslu borgarinnar. Hér má sjá lista yfir þær hugmyndir sem verða til kosninga í verkefninu Hverfið mitt þann 31. október - 14. nóvember nk. www.hverfidmitt.is Í kosningunni getur þú stjörnumerkt þína uppáhalds hugmynd og gefið henni þannig tvöfalt vægi!
This content is created by the open source Your Priorities citizen engagement platform designed by the non profit Citizens Foundation